La "Paz" na Franxa de Gaza

19 de enero de 2026

Redautáu por Jorge Díaz

Este artículo está redactado en llionés y de momento no está disponible en castellano

Sigún un informe de la BBC, dende qu’entróu en vigor l’altu al fueu na Franxa de Gaza’l 10 d’ochobre de 2025 fasta’l 10 de diciembre, más de 350 palestinos y palestinas foron asesinados en más de 500 ataques, a pesar d’esa —nidiamente falsa— paz. L’alcuerdu, entre munchos outros puntos, dicía amás que’l sofitu humanitario de camiones y pasos fronterizos sería “dafeitu llibre”, dalgo que enxamás cumpliose.

Entós, ¿qué paz ye esta, na que los palestinos son asesinados ca día, mentantu nengún israelí sufre? ¿Qué paz ye esta, na que Palestina pierde todu dereitu d’autudeterminación mentantu Israel pue sigir armada y asesinando? ¿Qué paz ye esta, na que nengún gazatí pue tornar a la sua casa?

Yá vos lo dicimos nós: nun ye una paz, sige siendo un xenocidiu. Ná cambióu, naide cambióu, todos y todas las palestinas sigen morriendo. Miento, de feitu: dalgo sí cambióu dende l’altu al fueu… y ye que todos esos gobiernos occidentales que comenzaban mostrar el sou sofitu al puebru palestín deixaron de facelo. Peru nun solu ellos, tamién toda la movilización internacional detúvouse. Y ye qu’esi yera’l principal oxetivu del “altu al fueu”, algamar el finxu de toda movilización, yá foise ciudadán ou goubernamental, pa llexitimar la esistencia d’Israel.

Nun permitiremos que la abufación conviértase n’hermu por xeira. Debemos multiplicar las denuncias: documentar ca ataque, recoyer testimonios, difundir semeyas y evidencias pa que nun blanquéese lo ocurrido. Las pallabras pónense en pía cuandu conviértense en pruebas qu'obligan a los tribunales, a las istituciones y a la opinión púbrica a gueyar de frente.

La solidaridá internacional nun pue ser un titular pasayero; sinon que debe transformase en medidas concretas: sanciones rïales escontra los que financian la represión d’onde venga, boicot, desinversiones y corredores humanitarios efeutivos y seguros. Rentamar redes de sofitu, prensa independiente y acciones nas cais y prazas ye lo que mantien viva la llucha y lo que pue cambiar l’equilibriu políticu.

La llucha será llarga, peru ca xesto cuenta: l’acompañamientu a las familias desplazadas, el sofitu a las organizaciones que sacan comida y medicinas, la presión sobru gobiernos cómplices. Nun se trata solu de rabia, trátase de construyir una rempuesta ordenada y sostenida que deixe claru que la impunidá nun se sostenerá mentantu haya coleutivos que resistan.

Peru nosoutros nun nos rendimos. Somos el puebru, que sige concienciado, que sabe que todu estu ye una farsa. Y nun nos deixaremos amedrentar pol cabrón de Trump y’l cabrón de Netanyahu.

Fasta que Palestina nun sea llibre dende’l ríu fasta’l mar… van tenenos enfrente, ficiendo-yes imposible la esistencia illexítima d’Israel.